БДИ ның төп дулкынында 1026 эш юкка чыгарылган-Россия мәгариф күзәтчелеге хезмәте
Хәзер тәртип бозган укучылар киләсе җәйдә генә имтихан тапшырып, мәктәп аттестатын ала алачак
(Казан, 11 июнь, «Татар-информ»). Быел БДИ тапшыруның төп дулкынында 1026 эш юкка чыгарылган. Бу хакта Россия мәгариф өлкәсендә күзәтчелек хезмәтендә матбугат конференциясендә хәбәр иттеләр. Аерым алганда, 9 нчы июньдәге тарихтан, биологиядән һәм информатикадан бердәм дәүләт имтиханнарында 228 эш юкка чыгарылган, диде журналистларга Россия мәгариф өлкәсендә күзәтчелек хезмәте җитәкчесе ярдәмчесе Сергей Шатунов.
“Белешмә материаллар булганга, 65 эш, кәрәзле телефоннар алып кергән өчен 163 эш кабул ителмәде”, - диде Шатунов.
Шулай ук рус теленнән имтиханда 344, математикадан 139 эш тикшерелмәгән. Хәзер тәртип бозган укучылар киләсе җәйдә генә имтихан тапшырып, мәктәп аттестатын ала алачак, дип хәбәр итә ИТАР-ТАСС. >>Татар-информ>>
