Кадерле укытучылар! Мәгариф ветераннары!

Сезне якынлашып килүче һөнәри бәйрәмебез белән чын күңелдән котлыйм! Сезгә сәламәтлек һәм шәхси тормышыгызда зур бәхетләр телим.Кызым, Мурзина Илүзә, язган әлеге шигырь һәммәгезгә бәйрәм сәламе булсын!

Яраткан укытучым

Сез дөньяда - иң белемле кеше,

Сезнең дәрес - тормыш ачкычы.

Иксез-чиксез фәннәр дөньясында

Маяк бит Сез, әйдәп баручы.

Безнең өчен Сез - иң таләпчән кеше,

Таләпчәнлек – тәртип юлдашы.

Тәртип булган җирдә тормыш матур,

Зур уңышка ачыла юл башы.

Сез дөньяда - иң ягымлы кеше,

Йомшак сүзле, изге күңелле.

Белем орлыкларын җайлап кына,

Өләшүче ул - Сез түгелме!?

Кайгыртучан да Сез, ә без һаман,

Мәшәкатьләр табып торабыз.

Мәктәптә Сез - икенче әни безгә,

Әни булгач, тыныч дөньябыз.

Белемле дә, кайгыртучан да Сез,

Таләпчән дә, һәрчак ягымлы.

Күңел күгемдә Сез ,Укытучым,

Йөрәгемә иң-иң якыным.